Warum (nicht) Social Media? #

Die sozialen Netzwerke wia Facebook oder Instagram und Messenger Dienst wie Telegram oder Whatsapp bietn natürlich vui Vorteile. Ma is stärka miteinand vernetzt und hod mehr Optionen für’d Außendarstellung. Allerdings san vui Seitn und Dienste ned wirklich datenschutzmäßig unterwegs und oft sehr komplex. Dazu kimmt, dass ma für oll Kanäle Moderatoren und Inhalt braucht.

Mir als Fachschaft ham uns für einige Social-Media Auftritte entschieden, aber a deutlich gegen einige Dienste. In Instagram, Snapchat oder TikTok seng ma koan Mehrwert. Außerdem gibt’s ja no unsre Webseidn: Oll relevantn Informationen zu (fast) ollen Themen konnst du dort lesen. Do san a de Anmeldungssysteme zu unsren Veranstaltungen und a Einsendeformulare für unsre Services.

Mir seng grade wenig Sinn in vui sozialen Netzwerkn. Oft kimmt dann de Aussage auf: “Ihr braucht doch Instagram! Keina schaut eichre Webseidn o. Die Fachschaft XY macht doch nur Instagram.” Worauf ma nur entschiedn antwortn konn, dass ma de Informationsfülle dieser Webseidn ned auf Instagram darstellen konn. Mir seng stolz, diese Webseidn z’sätzlich zu unsre bereitshondn Social-Media Präsenz z’habn.

Falls ihr uns erreichen wui, Fragen hod, Kommentare oder Kritik äußern wui, biedn wia euch trotzdem a breits Spektrum an Möglichkeiten o. Dei konnst unten seng.

Facebook #

Die Fachschaft Elektrotechnik und Informationstechnik hod natirli a Facebook-Seitn. Do posten ma Nachrichten vo unsrer Homepage und andere Neuigkeitn, stelln abr a andre Veranstaltungen oder Aktivitäten an da TUM vor. Ebenso wern vo dieser Seitn aus de Jahrgangsgruppen für de jeweiligen Bachelorstudienjahr ggründt. In de wern auf jahrgangsspezifische Inhalte hingewiesn, abr do ham a Tutorn und Hochschulgruppen de Chance, auf sich aufmerksam zu machn. Wuits ihr also nix vaperdn, so bsuacht die Seitn - und loss a Like do. Unser Zeu is es, de andern Fachschaftn zu überholn. Immerhio san ma ja de beste-fachschaft.de!

Für unsa Galeriefest hobn ma sogoa a eigene Facebookseite. Do (und auf da eigena Seitn) bewerbn ma unsre legendäres Galeriefest. Und manchmoi erhaltst do do exklusive Einblicke oder Sneak-Previews - es lohnt si also a des Seidn zu abonniern! Bsua unser Seitn do.

Allerdings is Facebook von da Verwaltung leider a bissal … hakelig. Und da Datenschutz bei FB is aa so vui verhanden wia a funktionierende Tafel im 1200er. Deswegn ham sehr vui Mitglieda da FSEI aa koan Facebookaccount und de Organisation wird vo sehr Wenign übernommen. In de FVV Umfrage jedes Semester wünschn seng jedoch sehr vui von eich weidahin de Jahrgangsgruppen und Facebook als Kommunikationsquelle. Natirli wern ma aa weidahin Facebook biedn, abr es konn leider vorkommen, dass eich do koane Antwort bekommts oder erscht sehr spät. Für oll Fragen empfehln ma eich, uns am bestn per Mail zum schreibn.

Telegram #

Wusstet ihr dass de FSEI a Telegramkanal bietet? Zu erreichen is er unter @fseitum direkt in Telegram oder unter telegram.me/fseitum zur direkten Integration.

Do keman die Newspost automatisch auf eia Handy (oder Tablett, PC etc.) und ihr erfohrts die Neuigkeitn als Easchtes.

Außerdem biedn ma aa Telegram-Jahrgangsgruppen (ähnlich wia de Facebook-Gruppen) an. Ma findn Telegram deutlich besser ois Whatsapp, u. a. weil de Administration leichter is und Telegram deutlich mehr Optionen bietet.

De “offiziellen” Gruppen san abr aa dazu da, dass ma stark mit eich und ihr mit uns in Kontakt stengan. So kenna unsre Gruppenmoderatoren Fragen oder Unklarheiten direkt beantwortn und Gerüchtn ham koane Chance si z’entwickln.

Wie erreiche ich nun denn die Fachschaft? #

Ihr hod Fragen, Wünsche, Kommentare, Kritiken, Verbesserungsvorschläge, Probleme oder wuits einfach moi mit uns redn?

Koan Problem! Mir als Fachschaft ham in da Regel ollawei a offenes Ohr für eich. Wie ihr uns auf diverse Möglichkeiten erreichen könnt, erfahrts ihr hier:

E-Mail #

Am bestn könnts ihr uns immer über E-Mail erreichen. Do kennts ausführlich eure Anfrage stellen oder euer Problem erklären. De Mailadresse für oll Anfragn is info@fs.ei.tum.de, wenn ihr abr in etwa wisst, welche Arbeitsgruppe verantwortlich is, kennts des aa direkt anschreiben. Manchmoi konn’s vorkommen, dass a Antwort leider liegen bleibt. Schreibts uns dann am Bestn noamal an.

Telefon #

Ja, ihr kennts de FSEI aa anrufn. De Telefonnummer warat die 089/289-22998. Allerdings konn ans Telefon nur jemand hingehen, wenn jemand da is - wos ned imma da Fall is, grade in de Ferien…

Telefax #

Ihr kennts uns aa faxn - wenn ihr wisst wie des geht. Unser Faxnummer is 089/289-25140. Kann sei, dass ma aa zurückfaxn - ma müssn nur derweil de Anleitung suchn…

Brief #

Ernsthaft. Mir ham bisher jeden Brief beantwortet, und Briefe san sogoa ziemlich sicher (meistens sogoa sicherer ois a Mail). Unsre Adresse is:

Fachschaft Elektrotechnik und Informationstechnik Technische Universität München Arcisstraße 21 80333 München

Mir frein uns auf jeden eichrer Briefe!

In Persona #

Natirli kennts uns aa bsuachn (nur leider grad ned während Corona). Da Vorteil: Ihr seid persönlich da, und kennts ois glei erklären. Allerdings gilt do dasselbe wia beim Telefon: Des Bsuan geht leider nur wenn jemand da is - ruft also vorher an. Hebt jemand ab, is a auch jemand da.